هسافر علشان اتجوز

السلام عليكم نلاحظ اليومين دول الشائع بين الشباب ان الشاب عاوز يسافر علشان يعمل قرشين حلوين وينزل بلده علشان يتجوز و يعمل فرح محصلش ويجيب شبكة بأد كده ويتقال ان فلان عمل ايلى محدش عمله وطبعا استاذ فلان خد على التعب فى الغربة هيجوز ويسيب الكتكوتة مراته علشان لقمة العيش ونسى خالص المسئولية ايلى اهم من السفر و المواويل ديه طبعا بتكلم فى الموضوع ده لان خلاص ان الاوان للتفكير الصح ومنعش فى الحياة من غير منفكر كويس هو ربنا ادانا العقل ليه ,من وجهة نظرى ان ممكن يجمع مبلغ ما بعد كده يستقر فى بلده يشتغل ويكسب وهو مبين اهله ويختار بنفسه ام للاولاد متدينة تربى اولاده على الدين وهو شايف ولاده بيتربو ادام عنيه هى ديه المسئولية ايلى اقصدها تربية الاولاد بعيد عن ابوهم بيسبب خلل شديد فى الاسرة لان استاذ فلان طمعان فى حتة ارض يشتريها قال ايه ((علشان مش عارف بكرة فيه ايه ونسى ان فى رب للكون مدبر احوال العباد من قبل منتخلق)) ولاايه رأيكم

ولا ايه طبعا و ليه الواحد ميرضاش بالعيشة ايلى موجودة فى بلده بس بعيد عنك البنى ادم مبيملاش عينه غير التراب عاوز الدنيا كلها فى حجره وكمان قلت حاجة مفيدة جدا ان ربنا بيرزق كل واحد و الرزق مكتوب من قبل منتولد فليه نشيل هم الايام ايلى جايه والرزاق موجود وأهم حاجة ((ان القناعة كنز لا يفنىىىىىىىىىىىىىىى))

انا مقصدش كده خالص انا اقصد ان الشاب يروح يطلع عينه وممكن يتمرمت علشان القرش ويجى يفرتكها كلها فى الجواز ده تفكير مش سليم المفروض ادور على باب رزق منه اتجوز ومنه اعيش ومنه حاجات كتير واسعى فى الرزق هو ده المقصود

السلام عليكم بصراحه انا معجب جدا باسلوب الحوار واختلاف وجهات النظر وهذا الاسلوب الحضارى جدا فى عرض كل واحد لوجهه نظره.ولاكن انا اوافق على راى ام محمد ولاكن بصوره اخرى ان كل واحد مسافر يضع امام عينه هدف وهو الجواز ثم بعد الزواج لا يوجد هدف اخر .لذلك تجد الواحد يروح يقعد هناك سنه والا اثنين ويجى 3او4 شهور يصرف التحويشه ويرجع تانى.المشكله فى حاجه يا استاذ ايمن (الهدف )مش عيب انى اسافر عشان اتجوز لان فعلا اللى هيقعد فى البلد مش هيتجوز بس ما بعد الجواز لا يوجد (هدف اخر ) لا بد انك تحدد مجموعه اهداف تحقق الواحد تلو الاخر فى فتره انت تحددها قبل عيالك ما يكبرو حتى لا يتحول دور الاب الى حصاله ولا يشعر الاولاد به فى حياتهم.ثم يعود بعد ما تقدم به السن ليحاول ان يصلح ما افسده ولاكن بعد فوات الاوان واسف على الاطاله ......................وتحيه خاصه لايمن وانت وحشنى كتير